Wendy Skënderi

Wendy Skënderi është Terapiste dhe Supervizore e Licensuar e Shëndetit Mendor Klinik (LCMHCS) në Karolinën e Veriut, SHBA, si dhe Supervizore e Regjistruar e Terapisë së Lojës (RPT-S). Ajo është Drejtoreshë e Këshillimit në Qendrën e Këshillimit Carmel në Karolinën e Veriut, ku mbikëqyr dhe menaxhon shërbimet klinike të mbi 15 terapistëve të licensuar. Wendy është certifikuar si Praktikuese e Ndërhyrjes Relacionale të Bazuar në Mirëbesim (TBRI), si dhe në Theraplay I dhe Trajnimin për Marrëdhëniet Fëmijë-Prindër (CPRT). 

Për 20 vjet, Wendy ka këshilluar fëmijë, adoleshentë dhe të rritur në seanca individuale, çiftesh dhe familjare për një sërë çështjesh psikologjike, emocionale, relacionale, të sjelljes dhe shpirtërore. Fushat e saj të ekspertizës përfshijnë traumën e fëmijërisë së hershme dhe çrregullimet e lidhjes, birësimin dhe kujdestarinë, prindërimin, si dhe ankthin, depresionin, pikëllimin dhe humbjen, traumën dhe abuzimin. Si supervizore e licensuar, ajo mbikëqyr terapistët që kërkojnë licensë për shëndetin mendor klinik në Karolinën e Veriut, studentë të diplomuar për këshillim klinik, si dhe terapistë të licensuar që punojnë për certifikimin si terapistë loje me Shoqatën Kombëtare për Terapinë e Lojës të Shteteve të Bashkuara. 

Wendy ka gjithashtu përvojë të gjerë ndërkulturore si drejtuese trajnimesh ndërkombëtare.
Wendy është pjesë e një ekipi të këshilltarëve klinikë amerikanë të shëndetit mendor, të cilët themeluan Fondacionin Shtegu i Shpresës në Tiranë. Ajo është e apasionuar për këtë fondacion në Shqipëri dhe ofron mbikëqyrje klinike, konsultime dhe mbikëqyrje për terapistët shumë të aftë dhe të kualifikuar të Qendrës Shtegu i Shpresës. Wendy është e martuar me Arionin, bashkëshortin e saj shqiptar, prej pothuajse 30 vjetësh, i cili i ka ushqyer dashuri në zemër për shqiptarët. Ata kanë dy vajza të rritura.